يوم في حياتي..

الحمد لله، قضيت امبارح من بعد المغرب لحد الفجر معتكفة في الجامع، صليت التراويح والتسابيح، والتهجد، والمغرب والعشاء والفجر، وختمت المصحف، ودعيت لنفسي ولكل الناس والله، وكل اللي أمني ادعيلة دعيتلة، بس يااااااااارب يتقبل مني ويستجاب لي فيكم يارب.
أحلي يوم بيمر علية في السنة ليلة 27 رمضان،بقالي 7 سنين مواظبة علية، زي شحن لية ولروحانياتي طول السنة.
ويااااااارب ما تنقطع ابدا...
الحمد لله الذي هدانا لهذا وما كنا لنهتدي

...

أنا اتسرقت،ايوة والله بالظبط كده..
واتسرقت مش اي سرقة، حاجة كده ولا في الافلام بجد..
اقولة اية بس..الحمد لله علي كل حال..ربنا يعوضني عن كل اللي راح..
بختصار ماشية في امان الله وراجعة من شغلي،قبل المغرب بحوالي ساعة، ولسة بنزل من العربية وهمشي خطوتين يادوبك، قابلني متوسكل، وفية اتنين،خارجين من الشارع اللي انا داخلة..
قربو قووووووووي من الرصيف لدرجة اني شكيت انهم هيعاكسو او يعملو حركة هايفة، في نفس اللحظة بعدت علي جنب شوية، لاقيت الصدمة
ان الموتسكل بيقرب ويميل قووووووي ...

أنا جيت أهو...
سوري للتأخير، بس الظروف بقا..
ما علينا بقالي كتير مش رغيت معاكم من أيام المدونة بتاعتي اللي الله يرحمها ويرحم أيامها.
هتكلم علي اساس ان ده فعلا التاريخ بتاع اليوم..
أنهاردة كان يوم حافل بمعني الكلمة، مليان احداث كتيرة في منها بسيط جدااا، وفي منها اللي كبير قوي، وفي منها اللي مش مهم اساسا، لكن الغريب ان كل حدث من الاحداث دي كان لية اثر جميل علي نفسي، ونفسيتي كمان..
انهاردة كان اخر يوم في الامتحانات، في البداية اليوم ده لأني كنت عارفة بعض احداثة فكنت عاملة

...