ولا كااااااااااان علي بااااااااااالي كل اللي جراااااااااالي :n2006106:

اولا : شكرا يا رودي... مش مهم علي اية...
ثانيا: مش كل حاجة بنخاف منها بتبقا حقيقة...
ثالثا: قطار الفرص يمر علي جميع المحطات ولا يجبر احد علي الركووووووووووووووب...

والحمد لله أنا لحقت محطتي علي اخر لحظة :)
وأخيرا
يظهر فعلا ما أخذ منك الا ليعطيك...
او كما قالت الاخت، يمكن ربنا ضيعها منك علشان تعرفي قيمتها، لما ترجع تاني تحافظي عليهااااااا...
فعلا، دا رجوع الغالي السهل الصعب..
:n20064:

والي هنا سكتت شهرزاد عن الكلام المبااااااااح:n200641:

بقالي كتير مكتبتش هنا اي بوست، بس دلوقتي حسة اني محتاج أكتب هنا...

عارفين السنة دي انا حستها مختلفة علية بشكل كبير قوي..
الحمد لله حققت كتييييييييييير قوي اكتر من اللي كنت عايزة واغلب اللي كنت عايزة ومخططه له في السنة دي اتحقق الحمد لله

في يوم ما قررت اغير نفسي واغير طريقة تفكيري واطور من نفسي، و بعد ما حصل جزء كبير من ده، قررت قرار تاني اني افيد الناس باللي اتعلمتة علي قدي، والحمد لله ده كمان قدرت اعملة بالجروب بتاعي، والقسم هنا في المنتدي..
نيتي مكانش فيها اي شئ غير اني افيد واستفيد بدون مقابل..:n200678:
لـكـن

اللي بيحصل بقالة فترة واللي حاصل دلوقتي فاق توقعاتي، عارفة ان ده ممكن لغيري يكون كل الفايدة، بس في حاجة مش مريحاني مش عارفة هي اية حقيقي بس هقولك وانتم قولولي..
بالنسبة للحاجات اللي بتحصل دلوقتي..
1- اهتميت بمجال التنمية البشرية، وبعد ما كنت مجرد بحب اقرا في المجال،بقيت كمان دارسة لي،،ودراستي تخطت مجرد العلم بالشئ ، انما وصلت لمرحلة اكبر وهي اني ممكن ادرس كمان لحد اللي اتعلمتة..شئ جميل لكن...........
انا كنت بدرسة بس علشان اوصلة من خلال كتاباتي للناس في الجروب او المنتدي..مش اني استفيد ماديا وادرس لحد..

2- عملت جروب افيد بي الناس، مفكرتش لحظة ممكن يوصل العدد لحد كام.. لكن الغريب ان امبارح بس اكتشفت ان الجروب وصل للحد اللي تعدي النجاح العادي لأي جروب ، اقل حاجة 5300 عضو.. لدرجة اني عملت واحد تاني تابع للأولاني من كتر ما مشاءالله الناس كانت كتير في، برغم اني بقوم بكل حاجة فية لوحدي،شئ يفرح لكن.............
أنا كده هتحمل مسؤالية العدد الكبير ده كلة ازاي :(

3- لما تواجدت في الاماكن اللي فيها الكورسات اللي كنت عايزة اخدها والندوات، عرفت ناس كتير معروفة في المجال، عرفوني بناس تانية، وعرفت ناس تالتة، لحد ما بقيت مشهورة في الوسط ده والناس بقت هي اللي تعرفني من غير ما اكون حتي اعرفهم...شئ جميل، لكن.........
مبقتش حسة اني علي حريتي، بقيت حسة اني محط انظار الناس قووووووووي مع العلم انه شئ يبسط قوي بس حستني معروفة بزيادة..
اه بالخير بس مش عارفة لية مش هطير من الفرحة لكده، بس منكرش اني سعيدة ان صوتي وصل لأكبر عدد من الناس..
ونقطة كمان ، ان الناس بقت تعرفني بس عشان الشهرة دي، وناس تانية بتعرفني علشان بس المصلحة من الشهرة دي، وناس تالتة، خايفة تقرب مني بسببها برضة..وناس رابعة قالتهالي مرة" أريك ان امتلك هذا العقل " :n200643:
4- علي قد ما اهتميت بالمجال ده والجروب وكتباتي وشهرتي بين الناس في الوسط ده، علي قد ما في حاجات مهمة بتسقط من حياتي، وانا مش عايزاها تروح، محتاجة احافظ عليها، واعمل حسابها....
أنا لسة مش عارفة لية خايفة من اللي بيحصل ده
الحمد لله انا بكبر بسرعة قوية اخر السنة دي انا لاقيت نتايج قوية لكل اللي عملتة من بداية السنة..وربنا كرمني فوق تخيلي واحسن كمان ما تخيلت، لدرجة اني طلعت مرتين في الراديو والتالتة انهاردة...وبحضر الكتاب بتاعي كمان وربنا يسهل ومرجعش في قرار كتابة الكتاب ده في اي وقت..

5- بقا حوالية ناس كتييييييييييييييييييييييييييير قوي فوق ما حد يتخيل كويسين جدااا، ووحشين برضة ، لكن مش مرتاحة مش عارفة لية...!!!
بس في حاجة مش مريحاني مش عارفه اية هي :n200644:

حد فاهمني.........؟؟؟

ملحوظة: مش عايزة حد يتفلسف عايزة حد يفهمني ويناقشني، انا مستغرباني قوي...
الناس كلها كل ما تشوفني تبقا خلاص نفسها تبقا مكاني بس معرفش لية مش مرتاحة بس مقدرش اقول مش مبسوطة، انا فرحانة اكتر اني قدرت اوصل صوتي للناس دي كلها زي ما حلمت في يوم من الايام.....
...........!!!!!!!!!:n200643:

يا مساء او صباح الانوار، المهم وحشني جدااااااااااا

بوصو تعتبرو كسل، تعتبرو اي حاجة المهم اني مش هقدر اكتب البوست ده مرتين
فاللي حابب يقرا يتفضل ينورنا هنا بتعليقة :)

يوم فرح بلدي، بكل تفاصيلة، من بداية اليوم لأخر لحظة:n2006106:
http://shemolife-shemo.blogspot.com/2009/11/blog-post_15.html

اشوفكم هناك سلاموووووووووووز:n200631:

[align=center]
في اسهم الواحد بيفكر انها خسرانة، مع انها بتبقا قدام عينة، بس شايفها خسرانة،و لو فكر شوية هيلاقيها الاسهم الكسبانة اللي كان المفروض يدور عليها من زمان ،وأنا عمري ما اشتريت، بس أنهاردة قررت اني اشتري :n200640:
دي مقولة في فيلم ألف مبروك ( أحمد حلمي)
بس شفتها في حياتي اكتر :)

أتمنا لما تقرو الفضول ميقتلقوش وتسألوني هاشتري اية او لية. :n20064:
[/align]

لما تقرر انك تقرر في قرار من اهم قراراتك
يبقا أنت اكيد وصلت لــــ مفترق الطرق..:n20062:

"على طول الحياة نقابل ناس ونعرف ناس ونرتاح ويّا ناس عن ناس...
وبيدور الزمن بينا يغيّر لون ليالينا
بنتوه بين الزحام والناس ويمكن ننسى كل الناس ولا ننسى حبايبنا ...
أعزّ الناس ... "

أيامنا زي رحلة في طريق منعرفوش
جايز نوصل لأحلي جايز منكملوش.

ربنا مع الجميع..
للاسف مش عندي كلام اقولة :n200643:
بس عمري ما هنسا اعز الناس
وتاني تاني تاني رجعين أنا وانت تاني...:n200641:

الحمد لله، قضيت امبارح من بعد المغرب لحد الفجر معتكفة في الجامع، صليت التراويح والتسابيح، والتهجد، والمغرب والعشاء والفجر، وختمت المصحف، ودعيت لنفسي ولكل الناس والله، وكل اللي أمني ادعيلة دعيتلة، بس يااااااااارب يتقبل مني ويستجاب لي فيكم يارب.
أحلي يوم بيمر علية في السنة ليلة 27 رمضان،بقالي 7 سنين مواظبة علية، زي شحن لية ولروحانياتي طول السنة.
ويااااااارب ما تنقطع ابدا...
الحمد لله الذي هدانا لهذا وما كنا لنهتدي لولا أن هدانا الله..

بس اكتر حاجة غيظاني، اني نزلت الشغل من بعد الفجر بشوية :(
نفسي اناااااااااااااااااااام اهئ اهئ :n200641:

من غير كلام كتير
دي مدونتي علي جوجل بكمل بيها مدونتي اللي هنا
مــدونــتــي
حــيــاتــي
تعالو زورونا باي باي :n200674:

أزاي تحل مشكلة مش عارف سببها اية...!!! :n200643:
اصعب حاجة فعلا انك تخمن وتحاول وتحاول وتتعب وتجتهد، وبرضة توصل لنفس النتيجة.....

المشكلة انك بتفضل تواصل وانت جواك علامات استفهام كبييييييييييرة...؟؟؟؟؟
اية السبب.؟

وبعدين انت لو عرفت السبب أحتمالات انك تلاقي حل وارد جداا...
لكن طول ما انت مش عارف السبب هتلاقي حل ازاي :n20062:
قبل ما المنتدي يقع المرة اللي فاتت.
كان في تدوينة لية بأسم بين الحقيقة والسراب دائما هناك حلقة مفقودة..

يااااااااااااااارب بجد تعبت قوي.:n200636:
كل ما اقول اتحلت تتعقد وبزيادة قوووووووي..
وكلها عقد ملهاش فك :(

الصورة دي
صورة محطة كوبري القبة بالمترو..
المترو عبارة عن محطتين، محطة رايحة، ومحطة جاية..
واحدة اتجاة حلون، وواحدة اتجاة المرج..
الطبيعي ان الكوبري اللي فوق ده هو اللي بيوصل بين المحطتين، يعني هو ركب من اتجاة المرج، وعايز يحول ويركب حلوان بيطلع الكوبري..
طب لو هي جاية من اتجاة المرج، بتطلعة برضة ويتنزل عند اتجاة حلوان...
لو بفرض اتنين اتقابلو هناك واحد مرج والتاني حلوان، بس اللي جمعهم نقطة واحدة، ومكان واحد لأي سبب ما، وبعد ما انتهي السبب كل واحد دور علي محطتة وركبها واللي خرج من المكان اللي جمعهم وكان في عكس اتجاه بيطلع الكوبري ويركب اللي هيرجعة بيتة، او يودية للمنطقة اللي بتجمعهم مع بعض...
بس في النهاية لما الأتنين يقررو يركبو كل واحد محطتة لوحدة، وبعد ما المهمة بتخلص، بيرجع كل واحد لقواعدة ، صعب كل واحد يغير اتجاة علشان التاني، لأن كل واحد ساكن في مكان عكس التاني...برغم ان في لحظات بتجمعهم.
كان طبيعي جدااا ان ده يحصل،ويفترقو...
أعتقد ان فعلا مش راكبين علي بعض...
كده وضحت كل واحد طريقة غير التاني، ومش هيجمعهم غير ظرف طارق، او حاجة ضروري...
لكن الجمع ده بيكون للحظات، هي نفسها لحظات انتظار قطار لقطار اخر....
واحد رايح والتاني جي..
ومش هايتقبلو غير في لحظات الانتظار...

أنت.... ألا تريد أن تعيش، وأنت ألا تريدين أن تعيشي.؟؟؟
يجب أن تغرق ولو مرة واحدة.!يجب أن تغرقي ولو مرة واحدة.!
ولكن
أين يجب أن تغرق.؟وأين يحب أن تغرقي..؟؟
فالحب أمامك دائما وأنت لا تدركة..وإنة ماء كلة ملح.
كلما شربت منة أحسست بالعطش ولن ترويك مياة الطوفان، فالحب هو الحريق الذي تتدفق فيه أنهار من البنزين، فلا النيران تنطفئ ولا البنزين يجف إنة طوفان من النيران.!
لا تخف من الطوفان، فإن ابن نورح علية السلام الذي خاف من الطوفان قد أغرقة الطوفان...
فليس حيآ من لم يغرق مرة واحدة، وليس حيآ من لم يحترق مرة واحدة، والذي يتألم هو الكائن الحي فعلآ، أما الذي لا يتألم فليس حيآ..!!!
يجب أن تغرق مرة واحدة لتولد بعد ذلك، يجب أن تحترق مرة واحده لتولد من جديد...يجب أن تحرص علي الطوفان مرة واحدة لتوهب لك الحياة دائما......!!
هذا هو الطوفان الممتع.:n20064:

أنااااااااااااا أعتزلت الغرااااام :n200643:

بس خلاص

ياااااااااااااارب
مش عارفة انا زعلانة من نفسي، ولا من الدنيا.

[align=center]
حيرة واتزرعت جوايا، ممكن تكون بمزاجي، وممكن تكون غصب عني...
بس الأكيد انها لو من نصيبي او مش من نصيبي ، يبقا ربنا عايز كده..
بس بجد خايفة ومرعوبة، جدااااااا..
لدرجة غريبة جدااا..
مرعوبة لدرجة اني مطمنة.
خايفة لدرجة اني مرتاحة...
خايفة تكون لحظة ضعف مني، وبعد ما افوق اكتشفت اني اخترت فعلا غلط، ومشيت في سكة اخرها سد...
ويمكن والله اعلم تكون سكة مفتوحة، بس انا اللي من كتر اللي شوفتة شايفاها سد.:n200636:
مش عارفة، انا مين اصلا..؟؟؟
ولا كان يخطر في بالي اني افكر كده...
مع ان كده ده مش حرام، بس في عرفنا، اكبر غلطة....
ومع اني مش مغصوبة علي ده وقدامي سكك كتير اسهل، لكن حسة اني مرتاحة للسكة دي، مع كل الصعوبات دي..
و مع انة عادي جدااا، في حاجات بنتنازل عنها قصاد حاجات تانية اهم.
ياترة انا رايحة فين...؟؟؟
وياترة السكة دي هتوصلني لفييييييييين...
الموضوع فعلا مش سهل، ومش مستحيل في نفس الوقت...
انا تعبااااااااااااانة قوي:n200636:
مكنتش ناقصة حيرة علي حيرتي...
مكان كفاية علية اللي انا فية...
يارب رحمتك :n200643:
[/align]

تخلص حكاية، تبداء حكاية، مليون حكاية نفس النهاية..

ممكن فعلا تبداء بنفس التسلسل والتتابع، لكن النهاية
حاجتين يا تنتهي بنفس النهايات
يا تنتهي بنهاية جديدة والله اعلم.
مش عارفة بقا هل ده حقيقي، ولا مجرد كلام...!!
يمكن الواحد بتاخدة حكاية ويروح معاها بكل كيانة، ويلاقي نفسة تاه جوة دوامتها و يخاف يكمل، يرجع...
يتوه لما يرجع، يندم انة يارتة ما رجع كان كمل، يمكن كان تختلف النهاية عن كل مرة...
بس يرجع ويقول طب ارجع يمكن.
بس وقت ما يفكر يرجع يلاقي انة للأسف كان محق ان فعلا النهاية كانت هتبقا واحده، وبرضة يرجع يحط نفسة في نفس النهاية بمزاجة..
بس حتي مع كل ده، بعد النهاية..
وقت ما يفكر يدخل بداية جديدة يلاقي نفسة رايحلها بكل كيانة، بس يرجع يقول تاني لأ مش هنعيدة..
بس يحن تاني يقول طب مجرب يمكن ويمكن..
ويرجع تاني للحيرة،ويرجع يقيم ويشوف ويحاول، والله اعلم مع كل تجربة بيسخسر اية، وبيكسب اية...
ويبقا كلة امل ان كل محاولة تكون هي دي الناجحة اللي بيدور عليها.

وبرغم كل المحاولات والاخفاقات.
إلا ان الأكيد في محاولة من ضمن المحاولات دي محاولة ناجحة.
بس هي فييييييييييييييييييييييين .؟

مش عارفة اقول علي الكلام ده اية، لا هو كلام مع نفسي، ولا هو كلام لحد، ولا كلام لموقف معين، بس مجرد فضفضة عن توها ودوامة ملهاش نهاية...

او الاصح ليها بس فين وامتي الله اعلم..:n200641:

انهاردة بس حسيت اني ارتحت.
مش عارفة يمكن حسيت اني بقيت فهما اكتر عالاقل..
يمكن لأني لما اتحطيت في الموقف حسيت نفسي اقوي من اي وقت.:n20063:

يمكن لأني خلاص ادركت ان الموضوع لا لية اي لازمة من الاساس.:n200622:

ويمكن ويمكن ويمكن...

في الف يمكن.
بس الاكيد
اني الحمد لله فقت نص فوقة، ربنا يستر عاللي جي..:n200643:

لأني اخدت خطوة تقيلة في اني اخد حقي، مش عارفة صح ولا لأ..
المهم اني فشيت خلقي حتي لو كان هيبقا المردود اقوي...

بس ربنا يستر :n200644: