حــيــاتــي ...

شوفت .. وقريت .. وافتكرت .. وزعلت
حسيت انه اكل بقاله كذا يوم

بس بعيدا عن ده .. مش عارف كل اللى حصل ده كان ظاهره صحيه ( فكرة الاحتفال اللى تناولتيها ) ولا ده حاجه سلبيه بتدل ع مدى خيبتنا وعبطنا ( اسف ع اللفظ ) واننا بقت بتفرحنا كوره .. وبتزعلنا كوره
والله يا شيمو انا النهارده كان عندى درس انجليزى .. النهارده اهو عدى حوالى خمس ايام ع الماتش .. ولسه متاثر قوى

امممممممممم يلا ربنا يكرم
منوره .. انا بس حبيت اسلم عليكٍ .. ف امان الله

مش عارف كل اللى حصل ده كان ظاهره صحيه ( فكرة الاحتفال اللى تناولتيها ) ولا ده حاجه سلبيه بتدل ع مدى خيبتنا وعبطنا ( اسف ع اللفظ ) واننا بقت بتفرحنا كوره .. وبتزعلنا كوره

اولا يا جميل لما وصفت شكل الاحتفال في البلد كان عامل اازي، مكنش ( لا خيبة ولا عبط).دي نقطة.
ثانيا: عايز تعرف لية فرحو بكورة وزعلو للي اكبر من الكورة.؟
هرد عليك اقولك الشعب ده اغلب من الغلب ذاتة،وبيدور علي حاجة تفرحة بعيد عن كل الهم اللي فوق كتافة.
بوص، الفكرة مش في الكورة، انا قولت في البوست اني اصلا مليش في الكورة ولا هي اللي فرحتني، ولا زعلتني، انا اللي فرحني كان .
ان بقا في سلاح يقدر يوجة الشعب ده حقيقي وسلاح قوي جدااا، وسواء قبل او بعد الماتش، فالسلاح ده بان مدي خطورتة.
اللي هي انة سلاح ذو حدين، وسلاح قوي جدااا، بيقتل علي طول معندوش وسط..
يعني مثلا قبل الماتش، قدر يخلي اللي لية في الكورة واللي ملوش، يهتم بيها، ويحس ان احلامة كلها هتتبني علي الماتش ده، لأن الفرحة كانت مفقودة من سنين، والكورة كانت مجرد وسيلة فكرة الناس بالفرحة دي.
كمان بعد الماتش اثبت الاعلام انة برضة سلاح قوي، لكن للأسف في كتير من التوجية السلبي، بس بعيد عن السلبية، قدر يجمع الناس علي انها تحس بحبها لوطنها،أنتمئها اللي كان خلاص قرب يدفن من زمان، لأنة يعتبر ميت ملوش صاحب :(
بس لحد دلوقتي وبرغم كل المشاكل دي،وانها اثرت علي نفسيتي انا كمان.
انا مبسوطة كتير حقيقي.
لو بصيت للجزء المليان من الكوباية، هتلاقي ناس اتجمعت علي حاجة واحدة، اخيرا فاقت من حالة البلادة، واللامبالاة اللي هي فيها، االنكسة دي( مش هزيمة الماتش، انما احداث الشغب) بجد ظهرت معدنا كلنا، كاشعب.
ظهرتة كمان عدوك من حبيبك.
وظهرت مناطق قوتنا، ومناطق ضعفنا كاشعب...

صدقني المشكلة دي جات في صالحنا قوووووووووووي
برغم اضراراها الفادحة ولا يمكن تعويضها
انا شايفة بكرة بألوان تانية، لكن محتاج دلوقتي وفي اللحظة دي التوجية المناسب للأزمة...
ويارب يرجعلنا حقنا من اللي حصل، بعد الماتش، بأحداث شغب من اشخاص غير مسئولين :(

كل سنه وانتٍ طيبه يا شيماء :)

- نص الكوبايه مش مليان .. فكرة التجمع اللى تقصديها مفرحتنيش
هى بس اثبتتلى اننا مبنملاش م الكوبايه الا النصف الهايف

يعنى الناس اه اتجمعت .. اه شجعوا .. اه اتحدوا .. اه قالوا مصر وعاشت ومصر اكبر من الكل .. بس فعلا يا شيماء ده من رايى مسمهوش " شئ يفرح " لان فكرة انهم طالما اجتمعوا ع دى يبقى حيجتمعوا ع غيرها دى مش مظبوطه .. بكره لو بالطريقه دى يبقى عمره م حيكون افضل
بس هو ان شاء الله حيكون بطرق اخرى .. عارفه احنا ليه اتحدنا ع الكوره .. تمام زى قولتى ف ردك .. بس احب اقولك اننا معندناش مقومات الاتحاد ع حاجه مهمه بجد تانيه .. بدليل اننا دايما بنتحد ع الكوره ف الفترة الاخيره .. اه بمقادير مختلفه لكن ف النهايه الكوره واحداث غزة .. الحاجتين اللى اتجمعنا عليها بس ف اخر فترة

عموما انا وانتى .. وبكره ( لو ربنا قدرنا عمر ) جاى وحنشوف ان شاء الله

ف امان الله

فعلا أن غدا لناظرة قرررررررررررررررريب أن شاء الله
وانت بألف صحة وخير يا جميل

الكوره واحداث غزة .. الحاجتين اللى اتجمعنا عليها بس ف اخر فترة

وبكلامك ده بالتحديد، اقدر اقولك ان طلامة قدرو يتحدو في مجالين بعيدين كل البعد عن بعض، لأ وكمان عكس بعض، واحد كورة ( هيافة زي ما بتقول) والتاني قضية مهمة ورد فعلا أكيد كان لية دور لما اتحدنا ...

واعتقد طلامة قدرنا علي الهيافة، والتتضامن مع قضية مهمة زي غزة..
يبقا لسة في أمل في النص التاني يبقا افضل بأذن الله.

مش بعرف ايأس بسهولة، ذلك هقولك أن لو انا وانت واللي زينا، لما نجيب اطفال فيما بعد يعني، وربيناهم بالفكر اللي احنا عايزينة هنقدر نملي النص التاني من الكوباية,
ومش لازم دلوقتي نقدر، ممكن بعد 20 سنة تانية، ان عشنا وكان لينا عمر، لو بس كل واحد يهتم بمجالة، وبتربيه ابنائه بالشكل السليم، ويغير ويحس هو من نفسة، الدائرة هتكبر وبأذن الله توصل للجزء السلبي، ولعل وعسي تغيرة...
خليك متفأل :)